Kulowscy radźićeljo přiražki za pěstowarnju a dnjowu mać zwyšili

Kulow (AK/SN). Pawšalu za zastaranje dźěći w dnjowych hladanišćach město Kulow zwyši. Dotal wudachu 551 eurow wob měsac za dźěćo při dźewjećhodźinskim hladanju, wot 1. junija ma to 560 eurow być, kaž měšćanska rada na swojim zašłym posedźenju wobzamkny. Do toho wotpokazachu radźićeljo namjet ­radźićelki Susanny Kockert (Powšitkowne wobydlerske zastupnistwo). Wona ­namjetowaše zwyšenje na 617 eurow. W Kulowje maja tři pěstowarnje a jednu dnjowu mać. Za holcy a hólcy w starobje hač do třoch lět su w měsće 103 městna, za dźěći w starobje třoch lět hač k zastupej do šule je 183 městnow.