Wjace hač 370 wobydlerjow Chelna ­pola Radworja ma hižo wot decembra zašłeho lěta nowy towarstwowy dom. Hakle nětko su jón ze swjatočnym ­aktom oficialnje přepodali.

Chelno (WL/SN). Po historiskim kulojtym domje je Chelno w Radworskej gmejnje wo dalšu parličku bohatši. Tole rjekny zapósłanc Sakskeho krajneho sejma Marko Šiman (CDU) při oficialnym přepodaću wjesneho towarstwoweho domu. Nimale dodźeržanu gratownju wohnjoweje wobory na zbožo wottorhali njejsu, ale jemu druhu šansu dali.