Po wšej Łužicy meju mjetali

Freitag, 02. Juni 2023
Artikel bewerten
(0 Stimmen)
Wosrjedź Chrósćic wubědźuja so wjesni pacholjo kóžde lěto wo titul mejskeho krala. Tutón motiw wudoby sebi prěnje městno!  Foto: Jörg Stephan Wosrjedź Chrósćic wubědźuja so wjesni pacholjo kóžde lěto wo titul mejskeho krala. Tutón motiw wudoby sebi prěnje městno! Foto: Jörg Stephan
Foto z Chróšćanskeje pěstowarnje mytujemy z 3. městnom. Foto: Lea Kralec

Jako rěkaše spočatk meje „Pytamy Waše foto!“, njedachu so čitarki a čitarjo Serbskich Nowin dołho prosyć a připósłachu pilnje swoje motiwy wo lětušim mejemjetanju. Na wšěch 63 motiwow wot dźesać wšelakorych fotografowkow a fotografow dóńdźe hač do kónca meje do redakcije. Wšitkim pilnym fotografam so na tutym městnje z wutroby za jich zmužitosć a zwólniwosć dźakujemy – wšako njeje samozrozumliwe, swoje fota k wozjewjenju zapósłać.

Najwšelakoriše fota w najwšelakorišich kwalitach z najwšelakorišimi tematikami – čitarki a čitarjo pokazachu wšitcy swój talent za kameru. Najćeši nadawk wězo bě, najrjeńše motiwy wuzwolić a tute mytować. Redakcija pak so tutoho nadawka bojała njeje a tak móžemy Wam, lube čitarki a lubi čitarjo, dźensa najrjeńše fota wo łužiskim mejemjetanju 2023 wozjewić. Za přichod sej přejemy, zo budźe jadro woblubowaneho ludoweho nałožka zaso husćišo zwobraznjene.

Veröffentlicht in Łužica

Galerie

dalši wobraz (1) W Njebjelčicach Foto: Jurij Čornak
dalši wobraz (2) Tež w Ćisku nałožk pěstuja – za to 2. městno. Foto: Johann Tesche
dalši wobraz (3)
Bitte anmelden, um einen Kommentar zu posten

Serbska debata

Neuheiten LND