Kónc tydźenja 800. róčnicu wsy z bohatym poskitkom wuběrnje woswjećili

Chrósćicy (SN/MiP/MWj/MkWj). Z musicalom dźěći serbskeje zakładneje šule běchu Chróšćenjo minjenu srjedu swój jubilejny swjedźeń składnostnje 800. róčnicy prěnjeho naspomnjenja zahajili. Wjeršk swjedźenskeho tydźenja dožiwichu wopytowarjo – mjez nimi delegacija z pólskeje partnerskeje gmejny Leśnicy – wčera z wulkim swjedźenskim ćahom. Wjace hač 600 sobuskutkowacych předstaji w 44 wobrazach stawizny a kulturne žiwjenje swojeje gmejny kaž tež wosady.