Delanscy radźićeljo wuhibki za nowy hort w Ralbicach stajili

Róžant (JK/SN). Na poslednim posedźenju do lětnjeje přestawki su radźićeljo delanskeje gmejnskeje rady hišće raz wobšěrnje wo nowym šulskim horće w Ralbicach wuradźowali. Hinak hač ­dotal planowane njepřetwarja bywšu pěstowarnju na hort, ale natwarja nowy pódla šule. Tule změnu su radźićeljo wčera takrjec oficialnje wobzamknyli.