Łaz (AK/SN). Popłatki za wužiwanje kěrchowow we Łazowskej gmejnje maja wot přichodneho lěta tajke wysoke być, zo wone znajmjeńša w dalokej měrje kóšty kryja. Na to su so gmejnscy radźićeljo ­na swojim zašłym posedźenju dojednali. Z wjetšinu radźićelow su změnu wustawkow za kěrchowski popłatk wobzamknyli. Zakład za wobzamknjenje bě kalkulacija za čas wot 2021 hač do 2025 a planowanje hač do lěta 2030.