Pola Mułkec planuja 21 milinowych wětrnikow

Slepo (AK/SN). Na Mułkečanskim nasypje maja hač do kónca lěta 2026 w prěnim twarskim wotrězku štyri milinowe wětrniki dźěłać. Kóždy budźe z wokřidłami 250 metrow wysoki a nadźěła šěsć megawattow miliny. Tole rozłoži Torsten Schliewe z firmy Enercity póndźelu na posedźenju Slepjanskeje wjesneje rady. Wot oktobra na nasypje twarja. Tuchwilu puće k přichodnym wětrnikam přihotuja. Do prěnjeho twarskeho wotrězka inwestuje Enercity něhdźe 50 milionow eurow. W druhim twarskim wotrězku ma južnje železniskeje čary dwanaće dalšich milinowych wětrnikow nastać, kóždy změje 7,2 megawattaj wukona. Dalšich pjeć wětrnikow natwarja sewjernje železniskeje čary. Kóždy z nich budźe šěsć megawattow produkować. Enercity so nadźija, zo dowolnosće klětu w prěnim kwartalu předleža. Kónc lěta 2027 měli wětrniki milinu produkować.