Budyšin (at/SN). Župa „Jan Arnošt Smoler“ Budyšin přihotuje hódne zarjado­wanje składnostnje 130. posmjertnych narodnin dr. Marje Grólmusec a 50. po­smjertnin Marje Kubašec klětu 25. apryla hromadźe z Němskim dźěłarniskim zwjazkom (DGB). Na to skedźbni županka Leńka Thomasowa, jako někotre linki z knihi Kubašec „Hwězdy nad bjezdnom“ recitowaše. Jako hosća zarjadowanja su prawnučka Marje Kubašec, Alexandera Thielmanna, zdobyli. Wón budźe toho­runja z tuteje knihi čitać, županka pře­radźi. Tak zahaji so adwentnička Budyskeje župy póndźelu w Serbskim domje z widom do přichoda, čemuž zhladowanje na skutkowanje w nachilacym so lěće sćěhowaše.