Budyšin (SN). Njewšědne dožiwjenje lubi zarjadowanje w Muzeju Budyšin sobotu, 10. januara, lubowarjam filmoweje hudźby a wšitkim přećelam domu. Wot 17.30 hač do 22 hodź. móža wopytowarjo po muzeju dundać a sej trajnu wustajeńcu kaž tež kabinetnu přehladku „Rolf Dvoracek – Photo-Graphische Spitzlichter“ wobhladać. W 19.30 hodź. započnje so nowolětny koncert wosrjedź wosebiteje wustajeńcy „Budyšin fascinuje – napohlady města wot 1620 hač do 1900“.