Wohnjowoborne gratownje města Kulowa dóstanu dwurěčny napis
Kulow (AK/SN). Pawšalu Swobodneho stata Sakskeje za podpěru dwurěčnosće a za hajenje serbskeje rěče je město Kulow w lěće 2025 na rozdźělne wašnje zasadźiło. Tole praji społnomócnjeny za serbske naležnosće a twarski nawoda města Stephen Rachel. „Hłownje smy pawšalu za ponowjenje dwurěčnych nadróžnych taflow wužiwali. Tute smy jednotnje a serbsce a němsce w samsnym pismje wuhotować dali“, wón rozłoži. „Dotalne tafle běchu rozdźělnje popisane. Nimo toho su so na nich zmylki jewili.“ Wjace hač sto tafličkow su po słowach Rachele w Kulowje wuměnili. To samsne ma so hišće w Mučowje stać. Nimo toho dachu za gratownje dobrowólnych wohnjowych woborow jednotne němsko-serbske tafle zhotowić. Kaž Stephen Rachel zdźěli, tafle mjeztym w měšćanskim zarjadnistwje maja. Přichodny čas chcedźa je na twarjenjach připrawić.
