„Wjesoła póndźela“ je tema noweho filma

Budyšin (CS/SN). Film „Ty, ja, my a Budyšin – stawizna ‚Wjesołeje póndźele““ měješe sobotu w Budyskim Kamjentnym domje premjeru. Julian Nyča a Martin Ludenia jón předstajištaj. Šěsć ludźi w nim rozłoži, čehodla so za rjad zarja­dowanjow angažuja. To su nawodnica Rěčneho centruma WITAJ dr. Beata Brězanowa, nawodnica Schilleroweho gymnazija Katja Gerhardi, Bernd Domschke z Małowjelkowskich sotrownjow, Ste­fanie Schwerk z towarstwa RAA, Tim Heilmann z klankodźiwadła NSLDź a Christian Schäfer wot towarstwa Pro Color. Nimo toho wopřijima film wurězki zarjadowanjow zašłych měsacow, kotrež žiwjenske wjeselo a zhromadnosć ludźi w měsće wotbłyšćuja.