Wojerecy (AK/SN). Město Wojerecy přihotuje so na mobilitu přichoda. Eficientnje, digitalnje a za wobswět znjesliwje chcedźa wobchad po měsće wodźić. Na to skedźbni měšćanosta Měrko Pink wutoru na wotewrjenju pućowanskeje wustajeńcy „Eficientna mobilita“ Sakskeje energijoweje agentury w starej radnicy. Na informaciskich taflach tematizuja tam elektromobilitu, inteligentne wobchadne systemy a perspektiwy za mobilitu.