Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow ­prócuja. K tomu ­přinošować chce naša serija z pokiwami z weterinarneje ­mediciny. (75)

Dale a wjace wobsedźerjow psow picuje swojim lubuškam syre mjaso, město picy za psa z kupnicy. Tak mjenowane BARFowanje ma žratwu wjelkow napodobnić. Dźensniše družiny psow pak njejsu dawno hižo žane wjelki. Tuž měli so porcije psam wotpowědnje přiměrić.

BARF wotwodźuje so wot jendźelskeje zestajenki „Born Again Raw Feeders“ (znowanarodźeny dawaćel syreho) abo jednorišo prajene „Bone and Raw Feeding“ (picowanje kosćow a syreho).