Budyšin. Domowinska župa „Jan Arnošt Smoler“ Budyšin je so zawčerawšim z přewodźerjemi, kotřiž turistow po sprjewinym měsće wodźa, zešła. Při tym staj ju předsyda Domowiny a Budyske měšćanske zarjadnistwo podpěrałoj. 22 z nich je přeprošenje sćěhowało. Dźěło turistiskich přewodźerjow sej jako župa jara chwalimy, druhdy pak so serbske temy přemało wobjednawaja abo so na nje cyle zabudźe. Tohodla smy tajke zetkanje nastorčili. Dźakujemy so předsydźe Domowiny Dawidej Statnikej, zo je je nawjedował.