Budyšin (SN/MiR). Serbscy křižerjo wědźa, što to woznamjenja, měć z mušlemi pyšeny konjacy grat. Zo pak tajki tež při Baltiskim morju znaja, njeje runjewon wšědne. Njedawno je do redakcije SN mejlka ze sewjera dóšła. Reiner Prohn z wjeski Born na Darßu pisa wo swojim přećelu Svenu Groliku, kotryž bě grat za swojeho konja sam z mušlemi wupyšił. Mjeztym pak staroby dla hižo jěchać njemóže. Tuž chcetaj mužej grat rady serbskemu křižerjej přewostajić.