Klóšterska zahroda z měšeńcu znatych poskitkow a nowych idejow

Pančicy-Kukow (SN/MWj). Kaž mnozy doma w swójskej zahrodce přihotuja so tež w zežiwjenskim a zelowym centrumje Křesćansko-socialneho kubłanskeho skutka (CSB) w klóštrje Marijina hwězda w Pančicach-Kukowje na nowu zahrodowu sezonu. 26. apryla ju oficialnje z programom za cyłu swójbu, sadźenjom štoma­ lěta 2026 a nalětnimi wikami zahaja. Hižo do toho pak wuhotuja srjedu po jutrach, 8. apryla, dźeń połny dožiwjenjow za swójby. W Pančicach-Kukowje kaž tež na Wojerowskej dźěćacej a młodźinskej farmje, kotraž je tohorunja w nošerstwje CSB, poskićuja lětsa zaso wosebite seminary. Wopytowarjo smědźa so na měšeńcu znatych poskitkow a nowych idejow wjeselić, zdźěli zamołwita za zjawnostne dźěło Uta Große.