Rjedźernja wopłóčkow dóstanje nowej klumpje a pruwowansku staciju
Njeswačidło (JK/SN). Z wopomnjenskej mjeńšinu za wjelelětneho čłona Njeswačanskeje gmejnskeje rady, Norberta Brauna, je so wčerawše posedźenje tamnišeje gmejnskeje rady zahajiło. Dnja 6. meje zemrěty Njeswačan bě wot lěta 1994 bjez přetorhnjenja čłon gmejnskeje rady a wot lěta 2004 samo zastupowacy wjesnjanosta. W gremiju su sej jeho wosebje jeho realistiskeho zhladowanja na zajimy gmejny a jeho posrědkowaceho wašnja dla wažili. Braun je w mnohich napjatych situacijach gmejnskeje rady žołmy zhładkował a so napominajo k přezjednosći wo dojednanje postarał. Wjesnjanostka Juliana Macalina (njestronjanka) jeho skutkowanje na dobro gmejny hódnoćeše.
