Worklečanska dnjowa hladarnja „Při Krabatowym puću“ wobsteji pjeć lět
Worklecy (SN/MWj). Wosrjedź koronoweho časa staj Šnajdrec mandźelskaj Jěwa-Marija a Carsten něhdyšu Worklečansku wjesnu předawarnju na dnjowu hladarnju přetwariło. Wot spočatka julija 2021 so team hladarkow tam pod nošerstwom Carity wo starych ludźi stara a tuž hižo na pjećlětne wobstaće zhladuje. Tónle mały jubilej chcedźa hromadźe z wjesnjanami a dalšimi zajimcami swjećić. Sobotu, 4. julija, přeprošuja wot 16 hodź. na wotewrjene popołdnjo a zabawnu hudźbu z kapału Horjany. Samsny dźeń wot 19 hodź. budźe tam zjawna proba spěwneho kwarteta PoŠtyrjoch. Tež hłódny a lačny nichtó wostać njetrjeba.
