Bukecy (CS/SN). Johann Walter bě kantor a komponist, kiž je mnohe teksty Martina Luthera zhudźbnił. Wón wuda prěnje ewangelske spěwarske a płaći jako prakantor ewangelskeje cyrkwje. Na městnje jeho skutkowanja w Torgauwje spožčeja kóždej dwě lěće Medalju Johanna Waltera wosobinam, kotrež maja wosebite zasłužby za hajenje hudźbneho žiwjenja w Sakskej. Nimo cellista Jana Voglera a sopranistki Isabel Schicketanz dósta ju njedawno Bukečanska kantorka Elke Groß. Medalju spožča Sakska hudźbna rada.

W swojej lawdaciji hódnoćeše Milko Kersten, prezident hudźbneje rady, Elku Groß jako hudźbnu pedagogowku, kotraž ze swojim skutkowanjom we wjesnych kónčinach bazowe dźěło wukonja, zo by hudźbne talenty wuslědźiła a podpěrała. Skutk to husto wot šěrokeje zjawnosće njewobkedźbowany.