Radźićel zastojnstwo złožił – komornica póńdźe druhdźe
Łaz (AK/SN). Łazowskej gmejnskej radźe přisłuša město 19 přichodnje jenož hišće 18 radźićelow. Tole wozjewi wjesnjanosta Thomas Leberecht (CDU) na zašłym posedźenju gmejnskeje rady. Přičina je cofnjenje gmejnskeho radźićela Felixa Brücknera (AfD). Tón z wosobinskich přičin swoje čestnohamtske zastojnstwo jako gmejnski radźićel złoži. AfD njeje žane narunanske wosoby abo naslědnikow nastajiła. Tak njehodźi so sydło w gmejnskej radźe znowa wobsadźić. Jednohłósnje je gmejnska rada zakónčenje dźěławosće Felixa Brücknera jako gmejnskeho radźićela wobzamknyła.
