Schrift vergrößern
Nowa generacija wohnjowych wobornikow Pančic-Kukowa stara so nětko wo historisku ručnu sykawu wohnjoweje wobory Marijina hwězda. Na foće je dźěl wobornikow drje w nowej drasće widźeć, ale ze starymi nahłownikami, kotrež su jim zwjetša přemałe. Jich nawoda André Bělk (srjedźa) ma hižo nowy nahłownik. Zo móhli wšitkim kameradam tajki wobstarać, pytaja hišće darićelow. Wopytowarjo swjedźenja swójbow, kotryž Domowinska skupina Pančicy-Kukow 23. awgusta w komunikaciskej arenje wuhotuje, móža wobornikow podpěrać. Foto: Jan Ješka
Pančicy-Kukow (SN/MWj). Historiska zajimawosć rozeznawa wohnjowu woboru Pančic-Kukowa wot druhich woborow. Tam maja nimo swojich modernych hašenskich jězdźidłow staru ručnu sykawu, pochadźacu z lěta 1908. Za hašenje ju wězo njewužiwaja, ale při wosebitych składnosćach z njej na stawizny wohnjoweje wobory skedźbnjeja.
