Lenka Šusterec wuknje lětsa serbsce w projekće „Domoj“ Syće za serbsku rěč a regionalnu identitu Zari. Wojerowčanka je před krótkim swój studij medijoweho managementa na wysokej šuli Mittweida skónčiła. Wona wopisuje swój poměr k serbstwu takle: „Mi kulturelnje jara na serbskim zaleži, wšako sym Serbowka.“ Lenka zaběra so z wobrazom Serbow w němskich fikcionalnych filmach. Tutón wobraz wona rady nima, hdyž zesylnjuje klišeje. A wona je fokus a preferencu do analyzy medijow transformowała – to je jeje bachelorowe dźěło. Lenka je seriju „Straight Outta Crostwitz“ (2022, MDR) analyzowała a kritizowała.

Swójba Lenki je serbska, wona sama je ze serbskimi tradicijemi a nałožkami wotrostła. Ze štyrjomi lětami je započinała jutrowne jejka debić. Ptači kwas je jeje najlubši swjedźeń lěta, dokelž je specifisce serbski. Debjenje jutrownych jejkow je nałožk, kotryž so tež w druhich słowjanskich krajach haji, ptači kwas pak swjeća jenož Serbja. Abo nic?