Delanscy radźićeljo za partnerstwo ze sardiniskej gmejnu

Róžant/Ralbicy (JK/SN). Prěni wulki wjeršk za gmejnu Ralbicy-Róžant bě wčera, štwórtk, bjezdwěla zběhanka za nowy hort w Ralbicach. Z tym je dalši wažny wotrězk nowotwara hnydom pódla šule zakónčeny. Po narěči ćěsliskeho mištra Dźěwinskeje firmy, kotraž je w poměrnje krótkim času nahladnu drjewjanu konstrukciju nastajiła, zabi wjesnjanosta Hubertus­ Ryćer (njestronjan) symbolisce posledni hózdź do hrjady, za čož trjebaše dźesać dyrow. Wažny wokomik dožiwi tójšto wjesnjanow, gmejnskich radźićelow a wučerjow zakładneje a wyšeje šule kaž tež zastupjerjow spěchowarjow, kiž twar financuja. Ceremoniji přizamkny so mała hosćina, na kotruž bě wjesnjanosta přeprosył.