Dołhi čas je so Malešanska gmejna w Barće prócowała, zaso direktny zwisk k sportowym připrawam ­natwarić. To pak je dlěje trało, hač ­běchu sej spočatnje myslili.

Bart (UM/SN). Wot njedawna je zaso móžno, dóstać so w centrumje Malešanskeho wjesneho dźěla Bart po direktnym puću z jězdźidłom k sportowym připrawam. Nowy móst, po kotrymž wjedźe dróha Při parku nad Lubatu, bu minjeny pjatk zjawnemu nadróžnemu wobchadej přepodaty.