Budyšin (CS/SN). Njejasnosće, kiž běchu loni k tomu wjedli, zo njeje so Budyska nakupowanska nóc Romantica wotměła, su nětko wotstronjene. Zamołwići sedźa zaso za jednym blidom a ćahnu za jedyn postronk. Předewšěm wěstotneho koncepta dla bě mjez měšćanskim zarjad­nistwom a nutřkoměšćanskim towarstwom problem nastał. Za wěstotu budźe lětsa zarjad za porjad zamołwity. To bě rozsudny dypk, zo so Romantica sobotu, 7. nowembra, zaso wotměje.