Droždźij (CS/SN). Mjeztym 24. raz su wčera w Droždźiju (Drehsa) blisko Bukec na běrnjacy swjedźeń přeprosyli. Štož su něhdy w małej formje zawjedli, je dźensa podawk, kiž tysacy zajimcow zbliska a daloka přiwabja. Na zbožo maja čłonojo domizniskeho towarstwa Droždźij/Worcyn dosć nazhonjenjow, kak nawal ludźi zmištruješ. Kaž Vinzenz Neumann z domizniskeho towarstwa wobkrući, wjace hač 120 wosobow swjedźeń sobu přihotuja.