Chrósćicy (JK/SN). Na minjenym posedźenju Chróšćanskeje gmejnskeje rady wuradźowachu radźićeljo dołho wo gratowni za wohnjowu woboru. Samo na sebi­ dyrbjachu jenož pro forma wob­krućić, zo je gmejna z twarskim projektom pře­zjedna. Tola při wobhladanju podłožkow postorčichu so wjacori radźićeljo na wonkownym napohledźe twara a zwuraznichu wobmyslenja. Njeběchu sej wěsći hač so wón w předležacej wonkownej formje do wsy hodźi. Naćisk pokaza moderny twar, kotryž najnowšim žadanjam­ wot­powěduje. Samo zjawny nuznik tam budźe. A tola skutkuje twar kusk futuristiski, byrnjež z drjewa był. Stoprocentowsce gmejnska rada přeswědčena njeje. Tuž chcedźa projektanta hišće raz přeprosyć. Chcedźa wot njeho zhonić, kotre změny su bjez přidatnych wudawkow móžne.