Ničo za słabe čuwy njebyło
FC Energija Choćebuz – Fortuna Köln 4:3 (2:2)
Zestawa domjacych: Rauhut – Hemmerich, Müller, Matuwila, Schlüter (77.Geisler), Marcelo de Freitas, Bohl (86. Kruse), Gjasula (66. Viteritti), Holthaus, Rangelow, Mamba
Wšitko wupadaše předwčerawšim za słónčnym a měrnym koparskim popołdnjom, jako Jürgen Gjasula za FC Energiju Choćebuz po sydom mjeńšinach z jědnatku k 1:0 trjechi. Na to zwora wrotar Kevin Rauhut kapitalny zmylk a hosćo wurunachu (20.). Tak střase přihladowarjow prěnja nerwozita, kotruž pak Marcelo de Freitas z krasnej wolejtřělwu do šibjeńcy wrotow tři mjeńšiny pozdźišo podusy. Z dalšej njezbožownej akciju połoži Rauhut krótko do přestawki Orkana Kurta w šěsnatce a bě při pokutnym kopje bjez šansy. Zo dyrbješe to zestupny duel w 3. lize być, njebě na woběmaj mustwomaj spóznajomne. Wobě wojowaštej na wysokim techniskim niwowje.
Šansy efektiwnje wužiwali
Sokoł Ralbicy/Hórki – Natwar Němske Pazlicy 2:0 (1:0)
Zestawa domjacych: Schöne – K. Matka, Šewc, Schultz, Materna (89. Budar), Šołta, Gloxyn, M. Matka, Rawš, Bejmak (80. M. Kurjat), G. Kurjat (66. Korjeńk)
Do Ralbic je wčera, njedźelu, najmłódši koparski team wokrjesneje wyšeje ligi přichwatał, a to z Němskich Pazlic. Nazymu běchu tam hrajerjo Sokoła Ralbicy/Hórki 2:1 dobyli, a tež tónkróć mějachu woni jenož jedyn cil: tři dypki!
Widźał, słyšał, napisał (01.04.19)
Awtor dźensa
Jan Hrjehor
Wuslědki (01.04.19)
Kopańca, wokrjesna wyša liga
ST Hnašecy-Dobruša
– TSV Połčnica 2:0 (0:0)
Póst Germania Budyšin
– SG Großnaundorf 4:1 (2:1)
Motor Kumwałd
– Rakečanske ST 0:2 (0:1)
Zeleno-běli Bukecy
– Drohotka Ramnow 0:7 (0:4)
Sokoł Ralbicy/Hórki
– Natwar Němske Pazlicy 2:0 (1:0)
ST Kinspork/Łužnica
– Wojerowski FC 2:5 (1:1)
ST Porchow – Módro-běli Kulow 2:2 (2:0)
ST Radwor – LSV Hory 4:1 (3:1)
tabulka:
1. Rakečanske ST 21 79:11 58
2. Módro-běli Kulow 21 49:22 46
3. Drohotka Ramnow 21 52:28 40
4. Sokoł Ralbicy/Hórki 21 38:30 36
5. Wojerowski FC 21 51:35 35
6. Póst Germ. Budyšin 21 48:37 34
7. LSV Hory 20 40:38 31
8. ST Hnašecy-Dobruša 21 43:43 31
9. TSV Połčnica 20 36:41 29
10. Motor Kumwałd 21 38:45 27
11. ST Kinspork/Łužnica 21 33:44 26
12. Natw. Němske Pazlicy 20 32:36 23
13. ST Porchow 21 26:52 15
14. Zeleno-běli Bukecy 21 27:74 14
15. SG Großnaundorf 20 33:55 13
16. ST Radwor 19 20:54 8
Sport (29.03.19)
Blidotenisowe hry
Worklečanscy blidotenisća 1. mustwa podadźa so jutře k rezerwje MSV Budyšina. Duel započnje so w 14 hodź. Prěnje Radworske blidotenisowe mustwo wočakuje póndźelu SZ Čerwjene Noslicy (Rothnaußlitz), a to w 19.30 hodź. Dalšej hrě:
03.04. 19:30 ST Seeligstadt –
DJK Konjecy
06.04. 17:00 TSV Wóspork/Hrodźišćo – Viktoria Worklecy
Wolejbulowe partije
We Worklečanskej ćěłozwučowarni hraja jutře prěni, druhi a třeći wolejbuloweje wobwodneje ligi. Wot 14 hodź. nastupja mužojo Viktorije přećiwo načolnikej z Koblic a po tym přećiwo druhemu ze Zhorjelca. Za serbsku šestku póńdźe wosebje w druhej hrě dnja wo wicemišterstwo sezony 2018/2019. Z wuspěšnej partiju móhli młodźi dźiwi Zhorjelčanow, kotřiž maja jenož dypk wjace na konće, hišće přesćahnyć. Dalše hry:
05.04. 18:30 ST Hnašecy-Dobruša –
ST Marijina hwězda
05.04. 19:30 Sokoł Budyšin –
ST Marijina hwězda
05.04. 20:30 ST Hnašecy-Dobruša –
Sokoł Budyšin
(wšitke tři hry w Słónkecach/Schlungwitz)
Kónctydźenska kopańca
Spočatnu fazu zaspali
HZ Łaz/Běły Chołmc
– ST Marijina hwězda 2:0 (2:0)
Zestawa hosći: Matik – R. Cyž (75. Jurš), Zelnak, Rab, Ch. Cyž, Peschmann, Kuring, Hawš, Pjetaš (68. Bělk), Pakoßnick, Schmidt (46. Eldor)
Při krasnym nalětnim wjedrje dóńdźe k duelej najlěpšeju koparskeju cyłkow wokrjesneje ligi, stafle 2. Po njewočakowanej domjacej poražce přećiwo cyłkej z Haselbachtala chcychu sej chowancy trenarja Erwina Kleinmanna we Łazu na kóždy pad dobyće abo znajmjeńša dypk wudobyć. To pak so njeporadźi, dokelž hosćo w prěnjej poł hodźinje hišće spachu. Nimo toho dyrbješe Kleinmann swój škit přetwarić. Tobias Škoda a Richard Hawš běštaj wupadnyłoj.
Horcy bój z dypkom mytowali
FSV Wódrjeńca
– SJ Chrósćicy 4:4 (2:2)
Zestawa hosći: Králíček – L. Zahrodnik, Sentivan, F. Cyž, Püschel (60. Špitank), M. Zahrodnik, G. Zahrodnik, Henzl, Bogusz (60. Mark), Młynk, Beneš
Wuslědki (28.03.19)
Kopańca, krajna klasa
Horni kraj-Sprjewja – Běła Woda 1:4 (1:0)
pinca tabulki
10. Rotacija Drježdźany 15 24 : 33 17
11. SJ Chrósćicy 13 29 : 36 15
12. ST Horni kraj-Sprjewja 15 24 : 55 13
13. SC Großröhrsdorf 15 20 : 26 12
14. ST Trjebin 15 15 : 41 6
wokrjesna liga, stafla 2
Wojerowski FC II – Łuty 4:2 (4:0)
Lubuš – HZ Wulke Ždźary 2:5 (1:2)
Mały Wosyk – Wulka Dubrawa 0:4 (0:1)
HZ Rakecy II/Šćeńca – Ćisk II 3:2 (1:1)
Njebjelčicy – Malešecy 0:0 (0:0)
Haselbachtal – Nadr. Hrabowka1:0 (0:0)
1. ST Marijina hwězda 18 49 : 9 45
2. HZ Łaz/Běły Chołmc 18 53 : 14 44
3. ST Ćisk II 19 34 : 23 37
4. Traktor Malešecy 18 43 : 20 35
5. Wojerowski FC II 18 30 : 27 29
6. SV Haselbachtal 18 31 : 26 27
7. HZ Wulke Ždźary 18 26 : 28 27
8. ST Lubuš 19 27 : 23 26
9. SJ Njebjelčicy 19 28 : 25 24
10. ST Wulka Dubrawa 19 29 : 49 21
11. SJ Chrósćicy II 18 23 : 32 18
12. FSV Łuty 17 26 : 32 17
13. HZ Rakecy II/Šćeńca 19 22 : 47 17
14. Nadrózna Hrabowka 18 26 : 40 16
15. ST Mały Wosyk 18 14 : 66 6
Gymnaziasća z wulkim wjeselom w Janskich Láznjach sněhakowali
22. raz pobychu šulerjo Serbskeho gymnazija Budyšin (SGB) w čěskich Janskich Láznjach, zo bychu so tam w alpinskim sněhakowanju wukmanili.
W stawiznach SGB započa so sněhakowarske wukubłanje w februaru 1995 w Malej Upje w čěskich Kyrkonošach, hdźež přebywachu šulerjo a wučerjo dwójce. 1998 započa so alpinske wukubłanje w Janskich Láznjach blisko Čorneje hory. Lětsa w měrcu dojědźechu sej 49 šulerjow, štyrjo wučerjo a třo studenća (něhdyši šulerjo SGB) do znateho kwartěra pensije „Protěž“. Wjedro bě měnjate, na pistach pak knježachu idealne wuměnjenja.
Tři skupiny 22 započatkarjow wuwučowachu wučerka za čěšćinu Jana Štillerová, student Matej Wjeńka a čěski instruktor Lukáš Vavrda. Marie-Luise Matješkec a Maksimilian Zahrodnik běštaj dalšej pomocnikaj. Wo tamne tři skupiny postupnikow a technisce hižo lěpšich šulerjow starachu so sportowi wučerjo Tereza Wićazowa, Gabriela Jendrewscyna a hłowny organizator sněhakowarskeho wukubłanja Měrko Korjeńk.
Po stajnje pjećhodźinskim zwučowanju přizamkny so wječor wuhódnoćenje z pomocu wideja.
Serbscy gymnaziasća w krajnym finalu
Po tym zo přesadźichu so wolejbulisća Serbskeho gymnazija Budyšin wuspěšnje we wokrjesnym finalu w Biskopicach a tež na regionalnym finalu w Rychbachu (Reichenbach), podachu so hólcy starobneje klasy II do Dippoldiswaldy na krajne finale. Tam nastupichu woni jako jedne ze šěsć najlěpšich šulskich wolejbulowych mustwow swojeje staroby ze Sakskeje. Wubědźowanje wotmě so w dwěmaj staflomaj. W stafli gymnaziastow z Budyšina běchu tež mustwa Gymnazija Bernhard von Cotta z Brand-Erbisdorfa a mustwo Lipšćanskeho Krajneho gymnazija za sport.
Serbski gymnazij Budyšin – Gymnazij Bernhard von Cotta Brand-Erbisdorf 2:1
Hižo w prěnjej hrě běše niwow na polomaj jara wysoki. W prěnjej sadźbje partije přećiwo cyłkej z Brand-Erbisdorfa přesadźichu so Budyscy wolejbulisća z 25:22. Přiwšěm běše hra jara wurunana. W druhim přechodźe podležachu přećiwnikej snadnje z 23:25. W třećej, a zdobom rozsudnej sadźbje, woni hišće jónu pokazachu, zo zamóža tež měr wobchować, štož so skónčnje wudani. Serbska šestka přesadźi so jasnje z 15:7.
Serbski gymnazij Budyšin – Krajny gymnazij za sport Lipsk 0:2
