Šulerki-koparki 7. do 9. lětnika Serbskeho gymnazija Budyšin (SGB) postarachu so kónc meje w Freitalu wo sensaciju w sportowych stawiznach kubłanišća. Jako prěnje mustwo dobychu wone krajne finale a pojědu wot 17. do 21. septembra na zwjazkowe finale do Berlina, hdźež chcedźa z dalšimi 15 dobyćerjemi tamnych zwjazkowych krajow wo najlěpše zaměstnjenje wojować.
Jědnaty raz je so jedne holče koparske mustwo SGB za sakske krajne finale skwalifikowało. Slěborna medalja w lěće 2013 bě dotal najwjetši wuspěch na tutej runinje. Před štyrjomi lětami w Lipsku bě z kapitanku Leju Krječmarjec, wrotarku Nelu Pjetašec a hrajerkami Tadeju Šeferec, Helenu Hejduškec a Karolinu Šrajterec hižo pjeć serbskich holcow pódla, kotrež postarachu so lětsa w Freitalu ze Saru Łušćanskec, Milenu Kummerec a Laviniju Bührdel wo grandiozny rezultat. Wone dobychu wšitke partije najlěpšich pjeć mustwow Sakskeje. Dokelž knježachu temperatury wokoło 30 stopnjow, skrótšichu zamołwići hrajny čas na dwójce dźesać mjeńšin.
SGB – Weißeritzski gymnazij Freital 5:0
Loni pobychu Worklečanscy wólnočasni koparjo prěni raz na tak mjenowanym „Běrnjacym koparskim turněrje“ w Kamjenicy a wobsadźichu tam hnydom druhe městno. Lětsa so woni tam znowa zapisachu. Zarjadowanje bě zaso wuběrnje organizowane. Hnydom w prěnjej hrě dnja nastupichu serbscy koparjo přećiwo cyłkej organizatora z mjenom „Team běrna“ a 3:0 suwerenje dobychu. Muž zazběhoweje partije běše nowopřichad Ronald Cyž. Wón docpě wšitke troje wrota. Tež přećiwo VfL Kamjenicy Cyž trjechi, Łužičenjo pak duel 1:2 přěhrachu. W dalšimaj partijomaj přećiwo Murmelclub Neukirchenej (2:0) a CFC-fanklubej Sachso (1:0) je Cyž po jednych wrotach třělił. 2:0 w předposlednjej skupinskej hrě poradźichu so Richardej Kmjećej. Tón bě so energisce do přećiwniskeje šěsnatki přesadźił a bul wobhladanjahódnje do syće zhłójčkował.
Rakečanske ST
– Sokoł Ralbicy/Hórki 5:6
(po třělenju jědnatkow)
Zestawa domjacych: Dutschmann – Brosam (71. Wetzorke), Bejma, O. Grasse, Schidun, Wichmann, Goldmann, Prochnow (87. Fleißner), Biesold (81. S. Grasse), Korch, Zschuppe
Zestawa hosći: Ch. Gloxyn – Rawš (88. Lulak), Zynda, Korjeńk, B. Bjeńš, M. Matka (71. K. Matka), D. Gloxyn, Šewc, S. Bjeńš, Kurjat (107. Młynk), Domaška
Sokoł Ralbicy/Hórki je swój wokrjesny pokalny titul zakitował. Po lońšim finalnym dobyću 4:0 přećiwo SJ Chrósćicam jenož mało delanskich fanow do toho wěrješe, zo hodźi so wuspěch hišće raz zwoprawdźić. Runje to pak so Sokołam sobotu popołdnju woprawdźe poradźi.
HZ Hórnikečanski Jězor/Ćisk
– Sokoł Ralbicy/Hórki 0:5 (0:2)
Zestawa hosći: Schulz – F. Šołta, Serbin, Statnik, J. Šołta, Obst, Rychtar, Janca, Kocor, Jakubaš, Čórlich, Brězan
Poprawom dyrbješe so tale koparska hra srjedu do Božeho spěća wotměć. Tón dźeń pak je prěnje zastupnistwo hosćićela dypkowu hru nachwatało. Tak wotmě so partija 14. junija w Hórnikecach.
Awtor dźensa
Jan Hrjehor
28.06. 18:00 Módro-běli Wětošow
– FC Energija Choćebuz
28.06. 18:00 Sportring Mücheln
– Budissa Budyšin
01.07. 15:00 Přezjednota Picnjo
– FC Energija Choćebuz
09.07. 15:00 FC Energija Choćebuz
– Boehmias Praha
12.07. 18:00 Germania Schöneiche
– FC Energija Choćebuz
12.07. 18:00 ST Horni kraj Sprjewja
– Budissa Budyšin
15.07. 14:00 FC Hornja Łuž. Neugersdorf – FC Energija Choćebuz
15.07. 15:00 Budissa Budyšin
– Slovan Liberec U21
19.07. 17:30 VfB Kśišow
– FC Energija Choćebuz
19.07. 19:00 BSG Wocl Riesa
– Budissa Budyšin
22.07. 13:30 FC Energija Choćebuz
– Slovan Liberec
22.07. 14:00 Budissa Budyšin
– Wismut Gera
09.08. 18:30 SZ Weixdorf
– Budissa Budyšin Jurij Bjeńš
SJ Chrósćicy II
– Hlinowski SC 0:2 (0:1)
Zestawa domjacych: Cyž – Richter (46. Młynk), Mark, Hojer, Klimant, Dórnik, Jakubaš (46. Zahrodnik), Šołta, Wowčer, Liznar (46. Bogusz), Šmit
Wulka napjatosć a wjeselo knježeštej njedźelu připołdnju na Chróšćanskim sportnišću. Hrajerjo rezerwy domjacych a mnozy přiwisnicy wobeju cyłkow njemóžachu so zahwizdanja načolneje hry wokrjesneje klasy, stafle II dočakać. Duel rěkaše: prěni přećiwo druhemu tabulki. Bě to předposledni hrajny dźeń sezony. Chróšćenjo mějachu do hry dypkaj předskoka a chcychu wězo mišterstwo a z nim zwisowacy postup na domjacym hrajnišću perfektny sčinić.