SJ Njebjelčicy – ST Marijina hwězda 1:0 (1:0)
Zestawa domjacych: Hahn – Kral, Haška, Hanuza, Hoelzel (89. Zeller), Schulze, Lejnart, Korjeńk (90. Domš), Hrjehor, Pawlik, Ričel (70. Čornak)
Zestawa hosći: Matik – Kuring, Rab, Winkler (82. O. Schmidt.), Eldor (75. Čornak) Pakoßnick, Wróbl, P. Schmidt, Jurš, Hawš
Při najrjeńšim nalětnim wjedrje je sej něhdźe 150 ludźi njedźelu w Njebjelčicach serbski koparski derby wobhladało. Domjace mustwo móžeše w nimale najlěpšej zestawje nastupić. Zwjeselace bě, zo słušeše Daniel Kral po zranjenju a dołhej přestawce prěni króć zaso ke kadrej Njebjelčanskeje SJ. Pola hosći, ST Marijineje hwězdy, pobrachowaštaj w škiće Tobias Škoda a w nadběhu Dawid Jurš.