Wotewrjene, žortne a direktne wašnje jeho wuznamjenjało

Mittwoch, 19. September 2018
Artikel bewerten
(0 Stimmen)
 Měrćin Štrawba ze spěwarku skupiny  Silbermond Stefanie Kloß w lěće 2008  Foto: SN/Maćij Bulank Měrćin Štrawba ze spěwarku skupiny Silbermond Stefanie Kloß w lěće 2008 Foto: SN/Maćij Bulank

Wjelelětny sportowy redaktor Měrćin Štrawba swjeći dźensa 75. narodniny. Bywši kolega w redakciji SN Marko Wjeńka so na zhromadny čas z nim dopomina:

Stare přisłowo praji: „Na wjacorych kwasach njemóžeš rejwać.“ Ja twjerdźu: Měrćin Štrawba to móžeše. Energiju, kotruž je při tym nałožował, jemu stajnje zawidźach. Prjedy hač so póndźelu rano w redakciji Serbskich Nowin zetkachmoj, słyšach jeho hižo rano zahe w serbskim rozhłosu. Tam rozprawješe ze swojim ­cyle swojoraznym sympatiskim hłosom, předewšěm pak na lóštne wašnje wo kónctydźenskich sportowych podawkach we Łužicy. Při tym złožowaše so z wulkeho dźěla na informacije, kotrež bě na sportnišćach w Ralbicach, Chrósćicach, Radworju a druhdźe sam nazběrał. Měrćin je za to prawidłownje cyłe kóncy tydźenja woprował.

Ze swojimaj krótkimaj, ale spěšnymaj nohomaj redakciju docpěwši dyrbješe Měrćin nětko to, štož bě słucharjam runje ertnje posrědkował, do pisomneje formy přinjesć. Časowy ćišć, kotryž při tym na njeho skutkowaše, bě hoberski.

Veröffentlicht in Jubilar
Bitte anmelden, um einen Kommentar zu posten

Serbska debata

Neuheiten LND