Słabu hru pokazali a přiwšěm dobyli

Dienstag, 18. Juni 2019
Artikel bewerten
(0 Stimmen)
Matijas Wróbl, stajny hrajer 1. koparskeho mustwa Marijineje hwězdy, je jedyn z garantow, zo su Pančičenjo w aktualnej sezonje dotal jeno 14 přećiwniskich wrotow kasěrowali.  Foto: Jörg Stephan Matijas Wróbl, stajny hrajer 1. koparskeho mustwa Marijineje hwězdy, je jedyn z garantow, zo su Pančičenjo w aktualnej sezonje dotal jeno 14 přećiwniskich wrotow kasěrowali. Foto: Jörg Stephan

ST Nadrózna Hrabowka

– ST Marijina hwězda 0:2 (0:1)

Zestawa hosći: Matik – Wróbl, Šołta, Rab, Hawš, Peschmann (75. Melnyk), Eldor (67. Winkler), Pjetaš, Cyž, Pakoßnick, Schmidt (75. Čornak)

Dołha a wosebje wuspěšna sezona­ so tež­ za Pančičanskich koparjow pomału nachila. Na předposlednim hrajnym dnju steješe partija w Nadróznej Hrabowce na programje. Dobyće ST Marijineje hwězdy bě zasłužene, ale tež zbožowne. W prěnich mjeńšinach so wjele naspomnjenjahódneho njesta. Po 20 hratych mjeńšinach posłuži Christoph Cyž něhdźe 18 metrow před wrotami Felik­sa Pjetaša, kiž bul hišće raz prěki poło­ži, město toho zo by sam wotzam­knył. Eric Schwabe chcyše tomu zadźěwać a kopny sej hrajny nastroj k 0:1 nje­zbožownje do swójskich wrotow. Spěš­ny konter domjacych wujasni wrotar Dawid Matik z jara dobrej akciju. Nimale z wothwizdanjom prěnjeho połčasa móhł Ali Eldor za Pančicy zwyšić. Po přihrawce Jakoba Pakoßnicka pak kopny wón kulowatu kožu ze zdalenosće třoch metrow nimo wrotow.

Veröffentlicht in Sport
Bitte anmelden, um einen Kommentar zu posten

Anzeige