Christian Stoppel z Horow (Bergen) pola Wojerec startowaše 24. a 25. awgusta na Łužiskim kole w klasy HAIGO-formula. Wubědźowanje pak je so za pod serbskej chorhoju jězdźaceho motoroweho sportowca njewočakowano njezbožownje skónčiło, runje tak kaž bě so započało.
Hižo sobotu dyrbješe w prěnim wubědźowanju wusadźić, dokelž bě kolesyna (Getriebe) Estonije 2 000 Christiana Stoppela z 1 600 kubiknych metrow sylnym Lada-motorom defekt poćerpjeła. „To so přewšo rědko stawa, a smy to hakle prěni raz dožiwili. Tuž to nas wosebje mjerza. Na zbožo mějachmy rezerwowu kolesynu sobu, kotruž smy hač do njedźelneho kwalifikaciskeho běha zatwarili“, wuswětli Christianowy nan a šefmechanikar Dieter Stoppel Serbskim Nowinam njedźelu po kwalifikaciskim běhu.