Uniwersita abiturientow wita

Drježdźany. Techniska uniwersita w Drježdźanach přeprošuje lětušich a přichodnych abiturientow sobotu na dźeń wotewrjenych duri. Wot 9.30 do 15 hodź. móža so na wšelakich stejnišćach uniwersity kaž w jeje centrumje słucharnjow rozhladować. Wšě informacije su přistupne na internetnej stronje https://tu-dresden.de/studium/vor-dem-studium/uni-testen/uni-tag .

Pólne dny w Sakskej zahajili

Bart. Krajny zarjad za přirodu, ratarstwo a geologiju je dźensa rjad pólnych dnjow w Sakskej zahajił. Ratarjo dźensa w Barće blisko Malešec wo nowych družinach rostlinow a hnojiwach informowachu. Tohorunja fachowcy ratarjam měšeńcy kćějacych rostlinow předstajichu a jim rozkładźechu, kak je hladaja. Dalši pólny dźeń je 5. junija w Pomorcach planowany.

Twarske dźěła zakónčili