Rada

synergica

Štóž mjezynarodny folklorny festiwal we Łužicy znaje, tón znaje tež Chróšćanski special na dwěmaj statokomaj sobotu wječor. Stajnje zaso sej organizatorojo festiwala na jewišći Zahrodnikec/Grutkec a Wjeselic statokow zajimawe skupiny přeprošuja, kotrež młódši a starši publikum z horcymi rytmami zwjeseluja. Lětsa bě to šěsć cyłkow, a z nich samo štyri serbske. Zo mějachu na jubilejnym 15. festiwalu wosebje serbske hudźbne skupiny swoju šansu, na specialu wustupować, bě hłownej organizatorce, Rejzce Krügerowej, wosebje wažne.

Na Zahrodnikec/Grutkec statoku je skupina Jankahanka program wotewrěła. Hudźbnicy předstajichu mjez druhim spěwy aktualneho albuma. Dokelž bě band dołho pawsěrowała, wjeselachu so přitomni ćim bóle nad naročnymi spěwami, kotrež cyłk z wjele energiju předstaji.