ST Haselbachtal – SJ Njebjelčicy 1:2 (1:1)

Zestawa hosći: Hahn – Hanusa, Wjerš (86. Cyž), Hrjehor, Korjeńk (90. Reineke M.), Herrmann, Matješk, Plaettner, Rudolf, Lehmann (72. Domš F.), Domš O. (79. Čornak)

Wichor a dešć wočakowachu Njebjelčanow w Haselbachtalu. Po dobyću tydźenja płaćeše nětko tež přećiwo poslednjemu tabulki dypki hromadźić.

Partija njebě wot spočatka sem lochka. Byrnjež hosćićeljo z jenož jednym dypkom na kóncu tabulki stali, nochcychu koparjo z Haselbachtala swojim přećiwnikam dypki darić. Tak dyrbješe wrotar Nico Hahn hižo po někotrych mjeńšinach zapřimnyć. Start hosćo kompletnje zaspachu. A to přeprošuje přećiwnika wězo k šansam. Tuž nawjedowaše domjace mustwo w 12. min. po konteru 1:0. Wobě mustwje łakaštej skerje na zmylki přećiwnika. Na zbožo stawaše so na woběmaj bokomaj dosć zmylkow. Dźesać mjeńšinow po prěnich wrotach běchu skónčnje Njebjelčenjo na rjedźe. William Plaettner wubědźi sej po perfektnej přihrawce Jonasa Lehmanna swoju šansu a zasuny k wurunanju 1:1 (23.). Dalše šansy přez Plaettnera, Domša a Rudolfa wostachu njewužiwane.