Změna w Kamjenskej radnicy

Kamjenc. Po wčerawšim poslednim posedźenju měšćanskeje rady z wjelelětnym měšćanostu Rolandom Dantzom přewozmje jeho naslědnik Michael Preuß (wobaj bjezstronskaj) 28. nowembra swoje zastojnstwo. Potom so z Dantzom rozžohnuja. Preußa, dotalneho decernenta za twarjenje a wuwiće města, kiž bu z 73,4 procentami woleny, 2. decembra spřisahaja.

Mnóstwo wjelkow konstantne

Zhorjelc. Populacija wjelkow w Němskej hižo dale njepřiběra. Tole wuchadźa z ličbow dokumentaciskeho a poradźowanskeho běrowa Zwjazka. Prěni raz po zasydlenju wjelka je mnóstwo přirunujo z lětami do toho nimale samsne wostało. Cyłkownje je 276 teritorijow wobkrućenych. W Sakskej je tuchwilu 46 wjelčich črjódow zasydlenych, w Braniborskej je jich 60 a w Delnjej Sakskej 63.

Znjewužiwanju nuzy zadźěwać