Sněhakowanje wotnětka móžne

Oberwiesenthal. W najwjetšej sněhakowarskej kónčinje Sakskeje je wot dźensnišeho zaso móžno sněhakować. Poprawom su sezonu w Oberwiesenthalu hižo srjedź decembra zahajić chcyli, wjedra dla pak to móžno njebě. Přichodne dny ma so w horach sněžić, tak zo wočakuja sněhakowarjow dobre wuměnjenja.

Z pyrotechniku kedźbować

Drježdźany. 1 200 chłostajomnych njeskutkow je policija lětsa w zwisku z pyrotechniku hižo registrowała. Loni běchu zastojnicy cyłkownje něhdźe 1 900 tajkich deliktow naličili. Kaž ze statistiki wuchadźa su najwjac padow w decembrje zwěsćili. Sakski kriminalny zarjad warnuje ludźi před pyrotechniku a jich napomina, z praskotakami kedźbliwje wobchadźeć. Kóžde lěto stawaja so wokoło silwestra ćežke njezboža.

Frieda a Matteo nawjedujetej