Horst Gallert njeboh

Budyšin. Bywši krajny rada Budyskeho wokrjesa Horst Gallert je tele dny w starobje 88 lět zemrěł. Wot lěta 1992 do 2001 je so wón rozsudnje za wuwiće Budyskeho wokrjesa zasadźował. „Njezapomnite je wosebje jeho zasadźenje za kulturu, přewažnje za Němsko-Serbske ludowe dźiwadło“, krajny rada wokrjesa Udo Witschas a jeho předchadnik w zastojnstwje Michael Harig (wobaj CDU) wčera hódnoćeštaj.

Wo strategiji rozmyslowali

Wojerecy. Na wčerawšej rewěrowej konferency we Wojerecach diskutowaše něhdźe 20 wobdźělnikow z wobłukow komunow, politiki, hospodarstwa, wědomosće a ciwilneje towaršnosće wo přichodnym postupowanju hladajo na změnu strukturow w brunicowych kónčinach. Sakske ministerstwo za infrastrukturu a krajne wuwiće bě na nju přeprosyło. W srjedźišću konferency steješe ewaluacija a přichodna strategija.

Historisku chorhoj nabyli