Studijne žiwjenje zeznać

Drježdźany. Na Techniskej uniwersiće Drježdźany přijimuja wotnětka přizjewjenja na lětnju uniwersitu 2026, w kotrejež wobłuku móža šulerki w lětnich prózdninach tydźeń studijne směry MINT zeznać a prěnje dohlady do slědźenja, laborow a powołanskich perspektiwow dóstać. Program wopřijima mjez druhim rozmołwy z wědomostnikami a studowacymi a informacije k financowanju studija a bydlenja.

Stawkowanje w Braniborskej

Berlin. Dźěłarnistwo ver.di je za pjatk a sobotu warnowanski stawk w zjawnym bliskowobchadźe w Braniborskej připowědźiło. Cyłkownje je 16 wobchadnych předewzaćow potrjechenych, mjez druhim tež w Choćebuzu. Pozadk je tarifowa zwada z Komunalnym zwjazkom dźěłodawarjow Braniborskeje. Ver.di žada sej mjez druhim krótše dźěłowe časy a wyše mzdy. Dojednanje njeje wotwidźeć, přichodne koło jednanjow slěduje 3. měrca.

Zarjaduja wotnožku wysokeje šule