Přidatne spěchowanje sotrowni

Berlin. We wobłuku wosebiteho programa Zwjazka za pomnikoškit buchu Małowjelkowskej sotrowni kaž tež předźerni a tkalcowni w Habrachćicach přidatne srědki přizwolene. Spěchowanje wučinja 110 000 resp. 300 000 eurow. Pjenjezy maja so předewšěm za ponowjenske naprawy wužiwać, z čehož „hłownje regionalne srjedźostawske rjemjesło profituje“, kaž w zdźělence zapósłanče zwjazkoweho sejma Kathrin Michel (SPD) rěka.

Wola noweho krajneho radu

Baršć. Baršć. We wokrjesu Sprjewja-Nysa wola wobydlerjo zajutřišim noweho krajneho radu. Tuchwilny mějićel zastojnstwa Harald Altekrüger (CDU) k wólbam njenastupi. Strona AfD ma z kandidatku Christine Beyer dobre wuhlady wólby dobyć. Strona ma we wokrjesu wjele wolerjow, kaž běchu wólby braniborskeho krajneho sejma 2024 pokazali. Jako kandidat CDU so Martin Heusler na zastojnstwo nadźija. Za SPD nastupi Heiko Jahn.

Pjenjezy za demokratiju