Jutrowny seminar so započał

Morlaix. Młodźina europskich narodnych mjeńšinow (MENS) je dźensa swój tradicionalny jutrowny seminar w Bretoniskej zahajiła. Seminar wotměje so w Bretoniskim měsće Morlaix a traje hač do 18. apryla. Serbskich młodostnych zastupujetaj tam Filip Budar kaž tež Matej Čornak z towarstwa Pawk z.t. Dohromady 25 młodostnych mjez 16 a 18 lětami wobdźěli so na mnohich workshopach a na wulěće do města Brest.

Kedźbu błyskače!

Drježdźany. We wobłuku Europskeho tydźenja spěšnosće přewjeduje tež sakska policija wot dźensnišeho hač do njedźele přidatne kontrole spěšnosće, mjez druhim na awtodróze A 4 kaž tež kołowokoło Drježdźan a Zhorjelca. Wobchadnych skućićelow pochłostaja na zwučene wašnje: Z dypkami w Flensburgu a z pjenježnymi pokutami.

Hudźbne swjedźenske dny zahajili