Po tym zo amaterojo hižo někotre hrajne dny za bulom honja, startowaše tež zwjazkowa liga do noweje sezony. Stawej wotpowědujo spjelni amtěrowacy mišter FC Bayern Mnichow pjatk swój nadawk přećiwo VfB Stuttgartej suwerenje. Z přeswědčiwym dobyćom demonstrowachu Mnichowčenjo swoju zwučenu dominancu. Bayerojo njedowolichu Stuttgartej ženje woprawdźitu šansu na wrota. Gratuluju k wuspěšnemu zakitowanju titula – hižo po prěnjej hrě! Wćipny sym tež na RB Lipsk. Wosebje kedźbyhódny je nawrót Christophera Nkunkua. Při domjacym dobyću prezentowaše so wón z dwěmaj přihrawkomaj, kotrejž dopomhaštej­ wrotam. Wjele lubjacy to start za Saksow. Loni běchu při zahajenskej hrě přećiwo FC Bayernej Mnichowej jasnje podleželi. Z tutym wukonom signalizuje mustwo jasne ambicije za tutu se­zonu. Wo poradźenu překwapjenku postara so postupnik Elversberg. Přećiwo faworizowanemu­ Bayerej Leverkusenej su prěnje tři dypki domchowali. Tute zbudźa nadźiju za přichodne tydźenje. Tajke wukony­ pokazuja, zo njejsu postupnicy běhanski kupc.