Radworčenjo wolejbulowy turněr „Witamy nalěćo“ dobyli

Dienstag, 12. April 2022
Artikel bewerten
(0 Stimmen)
Wólnočasne mustwo Sportoweho towarstwa 1922 Radwor je póndźelu tydźenja w Ralbičanskej sportowni wolejbulowy turněr „Witamy nalěćo“ abiturneho lětnika Serbskeho gymnazija Budyšin z lěta 1996 dobyło. Stejo wotlěwa Bernd Handrick, Dawid Wowčer, Jan Kola; prědku wotlěwa Niklas Šnajder, Roland Preuss a Jana Hančikowa.  Foto: Měrko Korjeńk Wólnočasne mustwo Sportoweho towarstwa 1922 Radwor je póndźelu tydźenja w Ralbičanskej sportowni wolejbulowy turněr „Witamy nalěćo“ abiturneho lětnika Serbskeho gymnazija Budyšin z lěta 1996 dobyło. Stejo wotlěwa Bernd Handrick, Dawid Wowčer, Jan Kola; prědku wotlěwa Niklas Šnajder, Roland Preuss a Jana Hančikowa. Foto: Měrko Korjeńk

W Ralbičanskej ćěłozwučowarni wotmě so minjeny tydźeń wolejbulowy turněr pod hesłom „Witamy nalěćo“ abiturneho lětnika Serbskeho gymnazija Budyšin (SGB) z lěta 1996. Pjeć wólnočasnych mustwow bě přitomne, wubědźowanje doby suwerenje cyłk ST 1922 Radwor.

Jako wotewri hłowny organizator tur­něra a hrajer mustwa 1296 Jan Hrjehor wólnočasny wolejbulowy turněr w Ral­bicach, běchu wšitcy přitomni wjeseli, po dwulětnej koronapřestawce zaso při wysokim saku so wubědźować móc. Mustwje z Worklec a Kulowa do turněra sčasom wotprajištej a tak wojowaše pjeć cyłkow na dwěmaj hrajnišćomaj kóždy přećiwo kóždemu dwě sadźbje hač do 15 dypkow.

Póndźelny wječor skićeše tři překwapjenki. Prěni raz wobdźělichu so wólnočasni wolejbulisća Sokoła Ralbicy, kotřiž su swój treningowy čas za tutón turněr k dispoziciji stajili. Wutrobny dźak za to. Hačrunjež běchu na kóncu jeno pjate, poradźichu so jim rjane akcije při saku a w pólnym škiće kaž tež dwě dobytej sadźbje z 18:16 přećiwo wučerjam SGB a 16:14 přećiwo SJ Chrósćicy.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND