Ralbičance hrajetej za Saksku wubranku

Mittwoch, 27. April 2022
Artikel bewerten
(0 Stimmen)
Stella Pilcec  Foto: Konstantin Hrjehor Stella Pilcec Foto: Konstantin Hrjehor

Wot 28. apryla hač do 1. meje wotměje so w Lindowje, sewjernje Berlina, holči koparski turněr a runočasnje tež treningowe lěhwo Sewjerowuchodneho němskeho koparskeho zwjazka, skrótka NOFV. To rěka, zo měrja tam holcy, kiž su młódše hač 14 lět z wubrankow Sakskeje, Braniborskeje, Mecklenburgsko-Předpomorskeje, Saksko-Anhaltskeje, Durinskeje a Berlina swoje mocy. Mjez 17 hrajerkami Sakskeje wubranki stej tež dwě akterce z Ralbic. Lavinia Frenclec a Stella Pilcec. Jurij Bjeńš je so z nimaj rozmołwjał.

Witajtej! Hdźe tuchwilnje za bulom honitej?

L. Frenclec: Spočatnje hrajachmoj wězo w naju domjacym towarstwje w Ralbicach kopańcu. Potom pak změnichmoj po někotrych lětach k Biskopičanskemu koparskemu towarstwu, w kotrymž wšak maja někotre holče mustwa.

A w kotrym mustwje nětko hrajetej?

S. Pilcec: Raz tu, raz tam. W młodźinje D hrajemoj z hólcami hromadźe w krajnej klasy. A potom tež hišće w ryzy holčim mustwje młodźiny D. Hdys a hdys směmoj samo pola holčeje młodźiny B wupomhać.

Veröffentlicht in Sport

Galerie

dalši wobraz (1) Lavinia Frenclec (nalěwo)
Bitte anmelden, um einen Kommentar zu posten

Anzeige