Łužiske lodohokejowe liški –

Ravensburg Towerstars 3:2

(0:1, 1:1, 2:0)

Mustwo Ravensburg Towerstars bě w Běłej Wodźe wosebje hórku poražku poćerpiło. 35 sekundow do kónca mjenujcy hišće­ 2:1 nawjedowaše. Spočatnje postajowachu hosćo hru. Po něhdźe šěsć mjeńšinach pak běchu so hosćićeljo do partije namakali. Krótko do kónca prěnjeje třećiny docpě Mark Rassell nawjedowanje za Ravensburg (19.).

W druhej třećinje zwyši Ravensburg přez konter na 2:0. Louis Latta bě Marka Rassella na prawym křidle pósłał. Tón posłuži Robbie Czarnika, kotryž pozdźišeho druhe wrota dnja docpě. Třeće wrota Ravensburg skomdźi, byrnjež dalše šansy měł. Chłostanski čas Lukasa Junga Běłowodźenjo za sebje zwužitkowachu. Tom Knobloch skrótši zastatk w powerplayju po jenož 23 sekundach na 1:2.