Motor hišće prawje njeběži

Dienstag, 22. Oktober 2019
Artikel bewerten
(0 Stimmen)
Gabriel Kurjat (čisło 12, Ralbicy) a Filip Šiman (srjedźa, Ralbicy) spytataj w tutej hrajnej scenje hosćom bul wotewzać. Načolnu hru su Sokoljo njedźelu wysoko z 1:4 přěhrali. Foto: Werner Müller Gabriel Kurjat (čisło 12, Ralbicy) a Filip Šiman (srjedźa, Ralbicy) spytataj w tutej hrajnej scenje hosćom bul wotewzać. Načolnu hru su Sokoljo njedźelu wysoko z 1:4 přěhrali. Foto: Werner Müller

Sokoł Ralbicy/Hórki – Drohotka Ramnow 1:4 (0:1)

Zestawa domjacych: Schöne – Schultz, Wałda, Bjeńš, Materna (85. Lešawa), Rawš, Gloxyn, M. Matka (42. K. Matka), Šiman, G. Kurjat (69. M. Kurjat), Domaška

Koparjo Sokoła Ralbicy/Hórki hromadźa w tej sezonje radšo wonka dypki, doma wšak wočakuja w prěnjej połseriji stajnje najsylnišich cyłki tuteje ligi. Ku­lowej běchu 1:2 podleželi, 2:2 hrajachu přećiwo Hornjemu krajej nad Sprjewju, a nětko dóstachu sej njedźelu wot Drohotki Ramnow samo z 1:4 na měcu.

Wot spočatka Ramnowčenjo poka­za­chu, zo słušeja lětsa k wulkim fawo­ritam na mišterstwo. W Ralbičanskej połoj­cy woni přeco z dwěmaj mužomaj atako­wachu a sej tak spěšnje zaso bul wudobywachu. Po tym kombinowachu so wutrajnje na wrota Willija Schöny. Po jeho zmylku w 15. min. steješe tež hižo 0:1. Flanku Schöne prawje njezapřimny, a wotplacnjeny bul stłóči hóstny nadběhowar jenož hišće přez liniju. Z wulkotnymaj refleksomaj zadźěwa Ralbičanski wrotar na to hnydom dwójce wjetšemu zastatkej. Sokoljo mějachu jenož jeničku prawu móžnosć. Po róžku zhłójčkowa Bosćij Bjeńš bul na łatu. Z 0:1 dźěchu hosćićeljo do kabiny.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND