Swjeća kamjeniznu lěta 2025

Mały Kólsk. Stara cyhelnja w Małym Kólsku je dźensa, pjatk, a jutřišu sobotu z hosćićelku wikow rjemjesła a hornčerstwa. Swjedźeń z wustajeńcu, najwšelakorišimi předawanišćemi a pisanym programom za cyłu swójbu wuhotuja składnostnje „oficialneje křćeńcy běłeje hliny ke kamjenizny lěta 2025“. Dźensa su wiki hač do 18 hodź. a jutře wot 10 do 20 hodź. wotewrjene. Swjedźeń wuklinči z hudźbnym duwom LeDazzo a z wulkej wohnjowej show. Zastup je darmotny.

Wotewru přehladku papjerorěza

Budyšin. „Mit dem Cutter gezeichnet“ je hesło přichodneje wustajeńcy Budyskeho wuměłstwoweho towarstwa. Přehladka pokazuje papjerorězby z Mišna pochadźaceje wuměłče a wjelelětneje profesorki na Lipšćanskej Wysokej šuli za grafiku a knihićišć Annette Schröter. Wustajeńca w galeriji Budissin je hač do 15. awgusta přistupna. Wernisaža wotměje so jutře, sobotu, w 16 hodź. Mjez druhim porěči kurator Steffen Bachmann. Wuměłstwowa rozmołwa, kotruž moderěruje dr. Sabine Kambach, slěduje štwórtk, 10. julija, w 19 hodź.

Słuchohra live z hudźbu a plastiku