Pokazaja film Grit Lemke

Běła Woda. Medijowa syć Łužica prezentuje dźensa, pjatk, w 20 hodź. předstajenje dokumentarneho filma „Bei uns heißt sie Hanka – Pla nas gronje jej Hanka – Pola nas rěka wona Hanka“ w Běłowodźanskim sociokulturnym centrumje Telux. Slědujetej diskusija na podiju a zjawna rozmołwa z režiserku Grit Lemke. Zastup je darmotny.

Prezentuja ideje za hrajny film

Baršć. Label Lusatia Film zakónči jutře, sobotu, z lětnim swjedźenjom swój filmowy projekt w Baršću. Tam běchu wot kónca lětušeho měrca zhromadnje z wobydlerjemi skicy za scenarij planowaneje produkcije hrajneho filma wuwiwali, kotrež we wobłuku swjedźenja prezentuja. Zdarma přistupne zarjadowanje wotměje so na zahrodźe wile „ Digitalkultur“ a započnje so w 14 hodź., moderaciju ma Michael Apel na starosći.

Punk, ska a hardcore na łuce