SJ Chrósćicy –
TSV Rotacija Drježdźany 3:0 (2:0)
Zestawa domjacych: Králiček – F. Zahrodnik, Sentivan, F. Cyž, L. Zahrodnik, Młynk (81. Runt), M. Zahrodnik, Hawš (75. Mark), G. Zahrodnik, Bogusz, Krawc (66. Handrik)
Miroslav Sentivan bu njedźelu do koparskeje dypkoweje partije wot prezidenta SJ Chrósćicy Jurja Kokle a jednaćela Tadeja Cyža k 100. hrě za SJC počesćeny (SN wčera rozprawjachu). Při rjanym słónčnym wjedrje bě mustwo Rotacije Drježdźany do Chróšćanskeho stadiona přichwatało. Hosćo stejachu na 4. městnje tabulki krajneje klasy a běchu z tym faworit. Trenar Pavel Runt bě samsnych jědnaćoch kaž tydźenja pola Sachsenwerk Drježdźany na trawnik pósłał.